Nulis Crita Pengalaman

Nulis  pengalaman pribadhi luwih gampang tinimbang karangan fiktif, sebab pengalaman pribadhi nyritakake lelakone dhewe kang wis tau klakon utawa wis dilakoni mbiyen. Luwih gampang meneh menawa pengalaman iku nandhes jero ing ati utawa ora bisa dilalekake. Padhatan pengalaman kang ora bisa dilalekake iku pengalaman kang banget nyenengake, nyusahake, mangkelake, lucu, rekasa, lan sapanunggalane. Sadurunge nulis karangan becike gawe cengkorongan utawa kerangka karangan luwih dhisik. Cengkorongan iku awujud ukara baku (kalimat utama), cengkorongan mau banjur diandharake dadi paragraf.

Pituduh cara nulis pengalaman pribadhi :

Nemtokake topik utawa tema crita

Gawe cengkorongan

Cengkorongan mau dikembangake

Crita digawe kang runtut

Nggunakake basa, tembung lan ukara kang bener lan trep

Isine cengkorongan :

Kapan lan ing ngendi kedadeyane

Sapa wae kang ngalami

Sebab kedadeyan

Kedadeyane

Akibat saka kedadeyan

Kang ndadekake ora bisa dilalekake